Urdu (اُردُو) translation by Shaan (you can also view the original English article)

جب کارٹون کی بات کی جائے تو بچے ان کی ایک اہم آڈینس ہیں۔ ایک بہترین کارٹونسٹ یا خاکہ نگار وہ ہوتا ہے جو کسی چیز یا انسان کی اہم تفصیلات کو نکال کر عام شکلوں میں ڈھالتے ہیں تاکہ بچے انہیں پہچان سکیں اور ان شکلوں کی طرف متوجہ ہوں۔ وہ بچوں کے خیالات ایسے پڑھتے اور مہارت رکھتے ہیں کہ جیسے والٹ ڈزنی، خنا اینڈ باربرہ، چک جونز، جم ہینسن، والٹرلینٹز اور بہت سارے جنہوں نے اپنے جادوئی اور پائیدار کرداروں کے ذریعئے دنیا پر جادو چلایا۔

میرا مقصد یہاں آپ کو یہ سمجھانا ہے کہ اس پہیلی کو صحیح طریقے سے کیسے سلجھایا جائے اور یقینا یہ سیکھانا ہے کہ کسی بھی کردار کو بتائیے گئے طریقوں کے ساتھ کیسے بنایا جا سکتا ہے۔ میں آپ کو یقین دہانی کراتا ہوں کہ آپ یہ دیکھ کر حیران ہونگے کہ ایسے کارٹونی ایکسپریشن (اظہاری خاکے) بنانا کس قدر آسان ہے جو کہ بچے اور بڑے پسند کرتے ہیں۔

انسانی تصور کو سمجھنا

انسان کے نقش بہت دلچسب ہیں: ہم ان تفصیلات کو جو کہ کسی چیز کی ساخت یا ڈھانچہ بناتے ہیں پیچیدہ طریقوں سےسادہ بنیادی طریقوں میں ترکیب دے سکتے ہیں ۔ اس طریقے سے ہم کسی بھی قسم کی چیز کو چند خم دار لکیروں اور خطوط (جیومیٹرک شیپس) کے زریعے پیش کر سکتے ہیں۔

کیا آپ مجھے بتا سکتے ہیں کہ نیچے دی گئی دونوں تصاویر ایک ہی چیز کو ظاہر کر رہی ہے؟

بظاہر عجیب دِکھ رہی، پرآپ دونوں تصاویر دیکھ سکتے ہیں اور کہہ سکتے ہیں کہ ’’یہ ایک کار ہے۔‘‘

ہوتا یہ ہے کہ، آرٹیسٹ کے علاوہ بہت سارے لوگ اپنی یاداشت سے وہ تفصیلات نہیں بنا پاتے جوکہ ایک کار، ایک کتا یا یہاں تک کہ بچہ بناتی ہیں۔ تو وہ بہت عام اور بنیادی شکلوں کو ہر چیز کی مخصوص خصوصیات میں شامل کرنا شروع کرتے ہیں۔ کتنے سارے ۴، ۵ یا ۶ سال کے بچے سکول سے گھر ان تصاویر کے ساتھ آتے ہیں جن پر دو گول دائیرے اور کچھ تنکے بنے ہوتے ہیں اور کہتے ہیں: ’’کہ یہ ممی اور ڈیڈی ہیں !‘‘۔

ہمارے پہلے کردار کی تخلیق

کارٹون کی بنیادی شکل دائرہ ہے۔ دائرہ ہی ہے جو آپ کو چاہئیے (پیار کے سوا یقیناََ)۔ دائرہ ہی ہے جس سے آپ اپنے کردار کے سر کا سائز واضح کر سکتے ہیں۔

جب دائرہ بن جائے تو چہرے کےمحور کے نشانات بنانے ہیں۔ ایک افقی اورعمودی لائن لگائیں جوکہ درمیان سے کاٹ رہی ہوں، جیسے کہ نیچے تصویر میں دکھائی دے رہی ہے۔

پہلا اصول

آنکھیں بنانے کے لئے ایک بیضوی (اوول) شکل بنائیں جسکا ہلکا سا جھکاؤ کونے سے لیکر سیدا اوپر کی طرف ہو۔ یہی عمل دوسری طرف بھی کریں۔ یہ ضروری ہے کہ دونوں کے درمیان تقریباََ ایک آنکھ جتنا فاصلہ چھوڑا جائے۔ جیساکہ ہم خاکہ بنانے کے مرحلے میں ہیں تو آپ ناپنے کے لئے ایک آنکھ اس کہ درمیان بناسکتے ہیں۔

دوسرہ اصول

دائرے کے اوپر والے حصے میں تھوڑا گہرہ رنگ یا لکیر لگائیں تو یہ کردار کی پلکیں بن جائیں گی۔ حیران اکسپریشن یا کیفیت بنانے کے لئے بھنویں پلکوں سے تھوڑا اوپر بنائیں۔ بھنوں کو آزاد شکل میں بنائیں اور مسسل مشق کے ساتھ آپ اپنا سٹائل ٹھیک کر لینگے۔

دونوں پتلیاں مرکز کی طرف بنائیں(یہ اہم کاٹونسٹس کا بہت کارآمد طریقہ ہے جن کا مقصد کارٹون کو پیارا بنانا ہے)۔

ٹپ: آنکھوں میں زیادہ جان اور حقیقت بینی ڈالنے کے لئے آپ آنکھوں کے نیچے چھوٹی سی لکیر لگا دیں جوکہ ہلکی سی جھری دکھے گی ۔ یہ ایک اور بہت دلچسب طریقہ ہے جوکہ شکل کہ نقشوں کی خوبصورتی میں اضافہ کرتا ہے۔

تیسرا اصول

ہم ابھی کورس کے سب سے زیادہ تخلیقی خصے میں پہنچے ہیں۔ اس کے بارے میں اس طریقے سے سوچیں: کارٹون کے ڈیزائن میں چہرے کا خاص ڈھانچہ کردار کی کھوپڑی اور آنکھیں ہوتی ہیں۔ یہ اس مقام پرممکن ہے جہاں آپ بیرونی دنیا کیساتھ تعلق کو پہچانتے ہیں۔ جوکہ پہلے ہی ظاہر ہو رہا ہے کہ آپ ایک خاکہ بنا رہے ہیں۔

اب ہم جبڑے پر پہنچے ہیں اور اب ہم یہ فیصلہ کرینگے کہ ہمیں موٹا کردار بنانا ہے یا پتلا بنانا ہے۔ بوڑھا بھی ہوسکتا ہے، جوان بھی یا کچھ اور بھی۔ میرا کردار ایک بچہ ہوگا۔ تو اب اسکے لئے ایک مناسب جبڑا بناتے ہیں۔

چوتھا اصول

جب سامنے سے دِیکھائی دینے والا ناک بناتے ہیں تو عام طور پر اس کی ذیادہ تفصیل نہیں دیتے۔ جب آپ صرف اسکی ٹپ بناتے ہیں تو یو لگتا ہے کہ آپ پہلے ہی اسے کچھ حد تک بنا چکے ہیں۔ اور یہ ناک کی ایک سمت بنانے کے لئے بہت اہم تفصیلات ہیں، اور یہ ظاہر کرتی ہیں کہ یہ روشنی کی متضاد سمت پر ہے۔

اب اپنے کردار پر ایک صحیح ناک لگاتے ہیں۔

پانچھواں اصول

جیسےکہ ہمارا کردار ایک بچہ ہے، تو ہم ایک کارٹونی منہ بنائیں گے: کچھ سادہ سا جو بچے کی معصومیت کو ظاہر کرے۔

بچے کا منہ بناتے ہوئے اس بات کا خیال رکھیں، ہونٹ نہیں بنانے چاہیے! اور جنس کو نظرانداز کر کے کارٹونی سٹائل میں بچوں کے منہ سادہ ہوتے ہیں۔ ایک اچھا اور بھرپور خاکہ پہلے سے ہی یہ کام کردیکھاتا ہے۔

چھٹا اصول

کان سامنے کی طرف سے دیکھائی دینگے ( کیونکہ ہمارا کردار کیمرہ کا سامنا کر رہا ہے)، تو اندرونی حصہ نہیں دیکھائی دے گا۔ پھر ہم بس ابتائی نقطہ نظرسے سادہ شکل بنائیں گے(مزید کام بعد میں کرینگے)

ساتواں اصول

سر کی شکل ابتدا میں ہی دائرے سے بنا دی گئی تھی، صحیح؟ تو بچے کے کردار میں جان ڈالنے کے لئے ہمیں بہت سادہ اور بچگانہ بال بنانے ہونگے۔ چلیں اب یہ کرتے ہیں۔

میں نہیں جانتا بال کیسے بنانے ہیں! مدد!

صبر،صبر۔۔۔ اس میں ڈرنے کی کوئی بات نہیں۔ کسی کو بال بنانے کے لئے سٹائلسٹ یا فیشن ڈیزائینر ہونا ضروری نہیں۔ بال بنانے کے لئے کوئی اچھا طریقہ نہیں ہے، تو آپ کو اس وقت تک کوشش کرنی ہوگی کہ جب تک تصوری بال نہ بن جائیں جو آپ چاہتے ہیں۔ اس بات کا خیال رکھیں کہ بال ہمارے کرداروں کی شخصیت کو ظاہر کرتے ہیں۔ عجیب طور پر، بال عمر،بغاوت، قدامت کوظاہر کرتے ہیں۔۔۔ ناقابلِ یقین، ہینا؟ توجس بارے میں بات کر رہے۔۔۔ آپ کا کونسا ہیرسٹائیل ہے؟! اوہ، کوئی بات نہیں۔۔۔

کارٹون کے بال بنانے کے لئے ایک صحیح اور تیز طریقہ ویب سے تصویروں کے حوالہ جات لے لینا ہے! میں ہمیشہ یہ کرتا ہوں: کوئی فیشن میگزین پکڑتا ہوں یا گوگل سرچ کرتا ہوں۔ ایک مثالی سٹائل ڈھونڈنے کے بعد اس تصویر کو حوالہ یعنی ریفرنس کے طور پر اپنے ڈرائنگ بورڈ (یا ٹیبلیٹ) کیساتھ رکھ لیں اور کارٹون کی سادہ قسمیں بنانا شروع کر دیں۔

اب یہ دیکھائی دے رہا ہے کہ ہمنے اپنا کردار کامیابی سے بنا لیا ہے۔ مبارک ہو!

چلیں اب تھوڑا اور کھیلتے ہیں اور ایک پورا مختلف کردار اپنے پیچھلے سانچے کی مدد سے بناتے ہیں جسے ہمنے ننھنا ٹومی بنایا تھا ( جی ہاں، میں نے اسے نام بھی دے دیا ہے)۔